انڈونیشیا میں اراکین پارلیمنٹ کی تنخواہوں اور مراعات میں اضافہ واپس لینے کے اعلان کے باوجود احتجاج شدت اختیار کر گیا ہے،مظاہرین نے پارلیمنٹ کی عمارت کو نذر آتش کردیا، جھڑپوں میں 5 افراد ہلاک ہوگئے جبکہ فوج کو طلب کرلیا گیاہے ۔غیرملکی میڈیارپورٹس کے مطابق ملک میں جاری مظاہروں کے بعد صدر پرابوو سوبیانتو نے قانون سازوں کی مراعات کم کرنے اور کچھ پارلیمانی پالیسیوں کو واپس لینے کا اعلان کیا تھا تاہم اس کے باوجودطلبا تنظیموں نے احتجاج کی کال برقرار ر کھا ۔مظاہرین نے پارلیمنٹ کے نزدیک جمع ہوکر تھوڑ پوڑ اور جلائو گھیرائو کیا، پارلیمنٹ کی عمارت کو بھی آگ لگادی، آگ لگنے کے باعث عمارت میں پھنسے کئی مظاہرین نے کود کر جان بچائی جس کے نتیجے میں متعدد افراد کی ہڈیاں بھی ٹوٹ گئیں۔ مظاہرین کو منتشر کرنے کیلئے پولیس نے آنسو گیس کے شیل برسائے، پولیس کے ساتھ جھڑپوں میں 5 افراد ہلاک ہوگئے، حکام نے کشیدگی والے علاقوں میں فوج طلب کرلی۔قبل ازیں انڈونیشیا کے صدر نے چین کا دورہ بھی منسوخ کردیا تھا۔

کریڈٹ: انڈیپنڈنٹ نیوز پاکستان-آئی این پی