دمشق میں ایرانی قونصل خانے پرحملے میں متعدد ایرانیوں کی ہلاکت کے بعدایران نے کہا ہے کہ اسرائیل کو اس حملے کی بھاری قیمت ادا کرنا پڑے گی۔ایرانی وزیر خارجہ حسین امیر عبداللہیان نے امریکہ کو اس بات کا ذمہ دار ٹھہراتے ہوئے کہا کہ امریکہ اسرائیل کو کنٹرول نہ کرکے کشیدگی کے دائرہ کار کو بڑھا رہا ہے۔عبداللہیان نے یورپی یونین کے خارجہ پالیسی کے اہلکار جوزپ بوریل کے ساتھ فون پر بات کرتے ہوئے کہا کہ اگر امریکہ اسرائیل کی طرف سے کیے جانے والے جنگی جرائم پر قابو پانے اور اس کی حمایت کو روکنے کے لیے سنجیدہ ارادہ نہیں رکھتا ہے تو اس کی براہ راست ذمہ داری ہے کہ وہ خطے میں کشیدگی کا دائرہ وسیع کرے۔انہوں نے کہا کہ یورپی حکام ہمیشہ ایران سے تحمل سے کام لینے کا مطالبہ کرتے ہیں، جب کہ اسرائیل نے بین الاقوامی قوانین اور ضوابط کے برعکس ایک سفارتی مقام پر حملہ کیا جسے سفارتی اور قونصلر حقوق کے کنونشن کی بنیاد پر مکمل استثنی حاصل ہے۔

کریڈٹ: انڈیپنڈنٹ نیوز پاکستان-آئی این پی