ورلڈ ہیلتھ آرگنائزیشن کے سربراہ نے خبردار کیا ہے کہ غزہ میں بچوں کو شدید غذائی قلت کا سامنا ہے جس کے سبب وہ موت کے خطرے سے دوچار ہیں- سماجی رابطے کی ویب سائٹ ٹوئٹر پر اپنے ایک بیان میں ٹیڈروس ادھانوم نے کہا کہ شمالی غزہ میں العودہ اور کمال عدوان اسپتالوں میں اس ادارے کے عہدیداروں کے دوروں میں یہ مشاہدہ کیا گیا ہے کہ اس وقت وہاں بچوں کو خوراک کی شدید قلت کا سامنا ہے اور وہ موت کے خطرے سے دوچار ہیں۔ انہوں نے لکھا کہ ان اسپتالوں کے دورے کے نتائج انتہائی خوفناک اور عبرتناک ہیں اور یہ مشاہدہ کیا گیا کہ خوراک کی کمی کے باعث ان دو اسپتالوں میں دس بچوں کی موت ہوچکی ہے اور ان دونوں ہسپتالوں میں غذائی قلت بہت زیادہ ہے، اور ان کی عمارتیں اور تنصیبات بھی اسرائیلی فوج کے حملوں میں تباہ ہو گئی ہیں۔

کریڈٹ: انڈیپنڈنٹ نیوز پاکستان-آئی این پی