جنوبی غزہ کے علاقے خان یونس پر اسرائیل کے بد ترین حملے میں 20 سے زائد فلسطینی شہید ہوگئے۔عرب میڈیا کی رپورٹ کے مطابق اسرائیلی فوج کی جانب سے خان یونس کے یورپی اسپتال کے احاطہ میں 9 بنکر بسٹر بم پھینکے گئے، بم پھٹنے سے کئی مقامات پر زمین پھٹ گئی۔رپورٹ میں بتایا گیا کہ اسرائیلی حملے میں اب تک 28 فلسطینی شہید جبکہ 70 افراد زخمی بھی ہوئے۔اسرائیل کی جانب سے زخمیوں کو نکالنے والوں پر بھی بمباری کی گئی، بم حملوں کے باعث اسپتال کے قریب کھڑی بس زمین میں دھنس گئی۔ترجمان اسرائیلی فوج کے مطابق خان یونس میں حملے میں حماس کے رہنمائوں کو نشانہ بنایا گیا ، حماس رہنما اسپتال کے نیچے زیر زمین کمانڈ اینڈ کنٹرول کمپلیکس میں تھے۔دوسری جانب فلسطینی ذرائع کا کہنا ہے کہ اسرائیل نے یحیی سنوار کے بھائی محمد سنوار کو قتل کرنے کی کوشش کی ہے۔دوسری جانب اقوام متحدہ امدادی امور کے سربراہ ٹام فلیچر نے کہا ہے کہ غزہ پٹی میں امداد کی تقسیم کا اسرائیلی منصوبہ مکروہ منصوبہ ہے۔ غیرملکی خبررساںادارے کے مطا بق غزہ میں امداد کی صورتحال پر اقوام متحدہ کی سلامتی کونسل کا اجلاس ہوا جس میں سربراہ اقوام متحدہ امدادی امور نے ٹام فلیچر نے کہاکہ غزہ میں امداد کی رسائی میں اسرائیل رکاوٹ ہے۔

انہوں نے کہا کہ 10 ہفتے سے جنگ زدہ فلسطینی علاقے میں خوراک،ادویات و دیگر اشیا نہیں پہنچیں، بروقت اقدامات کرکے لاکھوں فلسطینیوں کو بچاسکتے ہیں۔سربراہ اقوام متحدہ امدادی امور نے کہا کہ سخت میکنیزم موجود ہے کہ امداد حماس کو نہیں بلکہ عام شہریوں تک پہنچے۔دوسری جانب فرانسیسی صدر میکرون نے کہا کہ غزہ میں اسرائیلی وزیراعظم کی پالیسی شرمناک ہے۔غزہ میں 5لاکھ افرادبھوک کاشکارہیں،یورپی ممالک کو اسرائیل پرپابندیوں میں اضافے پر غورکرنا چاہیے۔دوسری جانب فرانسیسی صدر ایمانوئیل میکرون نے فلسطینیوں پر مظالم پر اسرائیلی وزیراعظم پر شدید تنقید کرتے ہوئے غزہ کی صورت حال کو انسانی بحران قراردیا اور کہا ہے کہ غزہ میں اسرائیلی وزیر اعظم کی پالیسیاں شرمناک ہیں، غزہ میں 5لاکھ افراد بھوک کا شکار ہیں، یورپی ممالک کو اسرائیل پر پابندیوں میں اضافے پر غور کرنا چاہئے، غزہ میں ہزاروں بچوں کی زندگیوں کو بھوک کی وجہ سے شدید خطرات لاحق ہیں۔واضح رہے کہ صیہونی فورسز کے وحشیانہ مظالم کے باعث غزہ میں اب تک شہدا کی تعداد 52 ہزار 900 سے تجاوز کر چکی ہے، اسرائیلی مظالم دن بدن بڑھتے جارہے ہیں جس کے باعث لاکھوں افراد زخمی بھی ہوچکے ہیں۔

کریڈٹ: انڈیپنڈنٹ نیوز پاکستان-آئی این پی