یمن کی مسلح افواج نے ایک بار پھر امریکہ و برطانیہ اور اسرائیلی حکومت کے بحری جہازوں کو میزائل و ڈرون حملوں کا نشانہ بنا تے ہوئے کہاہے کہ اسرائیلی حکومت کے پہلے بحری جہاز ایم ایس سی گراس ایف کو بحر ہند کے اطراف میں اور دوسرے ایم ایس گینا کو بحیرہ عرب میں بلسٹیک و کروز میزائلوں کا نشانہ بنایا۔یمن کی مسلح افواج نے ایک بیان میں اعلان کیا ہے کہ برطانوی اور دو اسرائیلی بحری جہازوں کو جو مقبوضہ فلسطین کی بندرگاہ کی طرف جا رہے تھے میزائل و ڈرون حملے کا نشانہ بنایا۔ اس بیان میں کہا گیا ہے کہ غاصب اسرائیلی حکومت کے پہلے بحری جہاز ایم ایس سی گراس ایف کو بحر ہند کے اطراف میں اور دوسرے بحری جہاز ایم ایس گینا کو بحیرہ عرب میں بلسٹیک و کروز میزائلوں کا نشانہ بنایا۔یمن کی مسلح افواج نے امریکی بحری جہازوں کو بھی بحیرہ عرب میں میزائل و ڈرون حملوں کا نشانہ بنایا۔ یمن کی مسلح افواج بحیرہ عرب اور بحیرہ احمر میں اسرائیلی حکومت کی جہازرانی کو روکے ہوئے ہے اور اس نے تاکید کی ہے کہ جب تک غزہ کا محاصرہ اور اس علاقے پر اسرائیلی جارحیت کا سلسلہ جاری ہے اس کے فوجی حملے جاری رہیں گے۔اس سلسلے میں یمن کی نیشنل سالویشن حکومت کے مذاکرات کار وفد کے سربراہ محمد عبد السلام نے کہا ہے کہ یمن کی مسلح افواج صرف ان بحر جہازوں کو ہی نشانہ بنا رہی ہیں جو مقبوضہ فلسطین کی بندرگاہ کی طرف جاتے ہیں اور صیہونی حکومت کے خلاف اس طرح کے حملوں کا مقصد غزہ کے خلاف اس کی جارحیت اور غزہ کا محاصرہ ختم کرانے کے لئے اس غاصب حکومت پر دبا ڈالنا ہے۔

کریڈٹ: انڈیپنڈنٹ نیوز پاکستان-آئی این پی