عرب لیگ کے سیکریٹری جنرل احمد ابو الغیط نے اسرائیل کو تنقید کا نشانہ بناتے ہوئے خبردار کیا ہے کہ جرم کے سامنے خاموشی مزید جرائم کی راہ ہموار کرتی ہے،قطر تنہا نہیں، عرب اور اسلامی دنیا ساتھ کھڑی ہے۔عرب نیوز کے مطابق دوحہ میں عرب اور اسلامی رہنمائو ں کے ہنگامی سربراہی اجلاس سے قبل خطاب کرتے ہوئے احمد ابو الغیط کا کہنا تھا کہ سربراہی اجلاس اپنی طرف سے یہ طاقتور پیغام بھیجتا ہے کہ قطر تنہا نہیں، عرب اور اسلامی دنیا اس کے ساتھ کھڑی ہے۔ انہوں نے خبردار کرتے ہوئے کہا کہ اسرائیل کے اقدامات دو سال تک غزہ میں ہونے والی نسل کشی پر خاموش رہنے کا براہ راست نتیجہ ہیں، جس سے قابضین کی حوصلہ افزائی ہوئی۔

کریڈٹ: انڈیپنڈنٹ نیوز پاکستان-آئی این پی