سائنسدانوں نے دعوی کیا ہے کہ ان کے پاس مریخ کو رہنے کے قابل بنانے کے طریقے موجود ہیں۔ سائنسدانوں کا کہنا ہے کہ مریخ پر انٹارکٹک کائی یا لکین جیسے سخت پودوں کا استعمال کیا جائے جو سیارے کی سخت سطح پر زندہ رہ سکتے ہیں۔غیر ملکی میڈیا رپورٹس کے مطابق ایک سائنسدان، ڈاکٹر لیزیک چیکووسکی کا کہنا ہے کہ مریخ کی مٹی میں اگنے والی فصلیں مستقبل کے مریخ کے نوآبادیات کے لیے کام نہیں کرے گی۔ اس حوالے سے جیسا کہ فلم دی مارٹین میں بھی دکھایا گیا ہے۔ڈاکٹر لیزیک چیکووسکی کے مطابق مریخ کی مٹی پرکلوریٹس پر مشتمل ہے، جو انسانوں کے لیے زہریلی ہے۔ مزید برآں، مریخ کا کم ہوا کا دبا اتنا شدید ہے جس کی وجہ سے انسانی جسم میں پانی ابلنے لگے گا، جب تک کہ اسے خصوصی اسپیس سوٹ کے ذریعے محفوظ نہ کیا جائے۔ ڈاکٹر چیکوسکی مریخ کو انسانوں کیلئے رہنے کے قابل بنانے کے لیے ایک مختلف طریقہ تجویز کرتے ہیں۔

ان کے مطابق کوئپر بیلٹ یا بیرونی، فرضی اورٹ کلاڈ میں منجمد سیارچے, مریخ پر رہائش قابل بنانے کا ذریعہ پیش کر سکتے ہیں۔ جبکہ اورٹ کلاڈ نظام شمسی کے ارد گرد برفیلی اشیا کا ایک بہت بڑا بادل ہے۔کوئپر بیلٹ نیپچون سیارے سے آگے خلا کا ایک خطہ ہے، جو برفیلی اشیا، چھوٹے سیاروں اور کومیٹس سے بھرا ہوا ہے۔ مزید کہا گیا کہ مریخ کا ماحول زندگی کو سہارا نہیں دیتا۔ ایک خیال یہ ہے کہ سیارے میں منجمد سیارچے کو ٹکرا دیا جائے، اور ایسی گیسیں خارج کی جائیں جو ایک موٹی، سانس لینے کے قابل ماحول بنانے میں مدد کر سکیں۔سائنسدان لیزیک چیکوسکی کا مزید کہنا ہے اورٹ کلاڈ میں اربوں برفیلی کشودرگرہ موجود ہیں جو مریخ کو رہنے کے قابل بنانے میں مدد فراہم کرسکتی ہیں۔ تاہم، موجودہ ٹیکنالوجی کے ساتھ، اورٹ کلاڈ سے مریخ تک لے جانے میں 15,000 سال لگیں گے۔اگرچہ یہ طویل مدتی نقطہ نظر ہے، ڈاکٹر چیکوسکی کا خیال مستقبل میں مریخ کو انسان دوست سیارہ بنانے کی طرف ایک ممکنہ راستے کی طرف اشارہ کرتا ہے۔

کریڈٹ: انڈیپنڈنٹ نیوز پاکستان-آئی این پی