مصر کے صدر عبدالفتاح السیسی نے واضح کیا ہے کہ مصر فلسطینیوں کی جلا وطنی کی نہ تو حمایت کرے گا اور نہ ہی اس عمل میں شریک ہوگا،انہوں نے غزہ میں جاری اسرائیلی حملوں کو "بھوک، تباہی اور فلسطینی کاز کو ختم کرنے کی جنگ" قرار دیا ۔غیرملکی خبررساںادارے کے مطابق صدر السیسی کا کہنا تھا کہ اسرائیل کے کنٹرول میں موجود رفح گزرگاہ سے امدادی سامان کی ترسیل میں بڑی رکاوٹ حائل ہے، جس کی وجہ سے 5 ہزار سے زائد امدادی ٹرک مصری علاقے میں کھڑے ہیں۔مصر کے صدر عبدالفتح السیسی نے کہا کہ غزہ میں اسرائیلی جنگ کا مقصد سیاسی مقاصد کا حصول یا یرغمالیوں کی رہائی نہیں رہا بلکہ اب اسرائیل کی غزہ میں جنگ عوام کو بھوکا رکھنا، ان کی نسل کشی اور فلسطینیوں کی جدو جہد کو ختم کرنا بن گئی ہے۔ انہوں نے کہا کہ مصر نا تو فلسطینیوں کی جلا وطنی میں حصہ لے گا اور نا ہی ایسے کسی فیصلے کی حمایت کریگا۔ان کا کہنا تھا اسرائیل کے زیر قبضہ رفح گزرگاہ سے امدادی سامان کی غزہ میں ترسیل بڑی رکاوٹ ہے، مصری رفح گزرگاہ پر اب بھی امدادی سامان سے لدے 5000 ٹرک کھڑے ہیں۔ مصری صدر کا بیان ایسے وقت میں سامنے آیا ہے جب غزہ پر اسرائیلی حملے شدت اختیار کر چکے ہیں۔ صدر السیسی کا بیان عالمی برادری کے لیے ایک پیغام ہے کہ مصر فلسطینیوں کی جبری بے دخلی کو کسی صورت قبول نہیں کرے گا اور وہ امدادی کوششوں میں اپنی ذمہ داری پوری کرنے کو تیار ہے، بشرطیکہ اسرائیل رکاوٹ نہ بنے۔

کریڈٹ: انڈیپنڈنٹ نیوز پاکستان-آئی این پی