فرانس کے صدر ایمانوئل میکرون نے کہا ہیکہ امریکی صدر ڈونلڈ ٹرمپ نے جی7 رہنمائوں کو ایران اسرائیل سیز فائر کیلئے ہونے والی بات چیت کے بارے میں بتایا ہے۔ایک بیان میں میکرون نے ایران اسرائیل جنگ کے حوالے سے بات کرتے ہوئے کہا کہ ڈونلڈ ٹرمپ نے جی سیون رہنمائوں کوبتایا کہ ایران اسرائیل سیزفائر کے لیے بات چیت ہوئی ہے۔انہوں نے کہا کہ سیز فائر طے پاگئی تویورپی شراکت دار ایران جوہری مذاکرات میں حصہ لینے کو تیار ہیں۔فرانسیسی صدر نے مزید کہا کہ امریکیوں نے ایرانیوں سے ملاقات کی پیشکش کی ہے، اب دیکھیں گے کیا ہوتا ہے۔

کریڈٹ: انڈیپنڈنٹ نیوز پاکستان-آئی این پی