روس میں 8ویں صدارتی انتخابات کیلئے پولنگ کا آغاز ہو گیا، پولنگ کا عمل 17مارچ تک جاری رہے گا۔غیرملکی میڈیا رپورٹس کے مطابق روس کے صدارتی انتخابات کیلئے بروز جمع المبارک کو شروع ہونے والی پولنگ ہفتہ اور اتوار کو بھی جاری رہے گی، انتخابات میں موجودہ صدر ولادیمیر پیوٹن سمیت 4امیدوار مدمقابل ہیں، پیوٹن ہی 5ویں بار روسی صدر بننے کیلئے مضبوط امیدوار ہیں۔صدارتی انتخابات میں 4میں سے 3امیدواروں کا تعلق ایوان زیریں سے ہے، صدر بننے کے خواہشمند الیکسی نوالنی پراسرار موت کا شکار ہو چکے جبکہ 2کے کاغذات مسترد ہو گئے ہیں، روس میں ہونے والے الیکشن سرویز بتاتے ہیں کہ ولادیمیر پیوٹن ہی 6سال کیلئے دوبارہ صدر بنیں گے۔دوسری جانب صدارتی انتخابات کے حوالے سے روسی صدر ولادیمیر پیوٹن کا کہنا ہے کہ یہ ملک میں انتہائی اہم الیکشن ہیں، اس کے نتائج آئندہ برسوں میں روس کی ترقی پر براہ راست اثرات مرتب کریں گے۔روسی حکومت نے صدارتی انتخابات کے موقع پر ترجمان محکمہ خارجہ سمیت 227امریکی شہریوں پر ملک میں داخلے پر پابندی لگا دی گئی۔روسی وزارت خارجہ کے مطابق روس مخالف بیانات اور اقدامات پر امریکی شہریوں کے داخلے پر پابندی لگائی ہے، تجارت، دفاع، توانائی کے امریکی نائب وزرائے خارجہ اور روس میں امریکا کے سابق سفیر جان سلیوان کو بھی روس میں داخلے کی اجازت نہیں ہو گی۔

کریڈٹ: انڈیپنڈنٹ نیوز پاکستان-آئی این پی