دبئی میں پاکستانی ٹیکسی ڈرائیور کی خوش اخلاقی کے چرچے ہیں جس نے چینی سیاح کا بہترین استقبال کیا اور شاندار مہمان نوازی کی۔رپورٹ کے مطابق پاکستانی ٹیکسی ڈرائیور فلک نیاز خان کا چینی خاتون سیاح کے ساتھ شاندار سلوک رہا اور پاکستانی ڈرائیور نے اس کی دبئی میں دل کو چھو لینے والی مہمان نوازی کی۔پاکستانی ٹیکسی ڈرائیور فلک نیاز خان نے چینی زبان میں گفتگو کی جس پر خاتون چینی سیاح پاکستانی کے چینی زبان بولنے پر حیران رہ گئیں۔چینی سیاح نے پاکستانی ڈرائیور فلک نیاز خان سے سوال کیا کہ کیا آپ پاکستان سے ہیں ؟ ۔چینی سیاح دبئی میں پاکستانی ڈرائیور کے استقبال سے خوش ہوئی اور اس نے ویڈیو بنا کر سوشل میڈیا پر شئیر کر دی۔ویڈیو حکومت دبئی تک پہنچی تو حکومت دبئی کے زیر انتظام روڈ اینڈ ٹرانسپورٹ محکمے نے پاکستانی ڈرائیور کو انعام و ایوارڈ سے نوازا ہے ۔

کریڈٹ: انڈیپنڈنٹ نیوز پاکستان-آئی این پی