لاہور میں غالب مارکیٹ گلبرگ میں تجاوزات کے خلاف آپریشن کے دوران ہوٹل ملازمین نے پیرا فورس پر حملہ کر دیا۔پولیس کے مطابق پیرا فورس پر حملے کا واقعہ اس وقت پیش آیا جب تہہ بازاری کا عملہ فردوس مارکیٹ میں تجاوزات کے خلاف آپریشن کر رہا تھا،حملہ ایک ہوٹل کے ملازمین نے کیا ۔ پولیس کا بتانا ہے کہ حملہ آوروں نے پیرافورس کے اہلکاروں پر تشدد کیا اور ان کی وردیاں پھاڑڈالیں جس کے بعد پولیس نے مقدمہ درج کر کے 3 افراد کوگرفتار کر لیا۔مقدمے میں انفورسمنٹ انسپکٹر کی اسٹک چوری ہونے ، سرکاری ملازمین پر حملے اور کارسرکار میں مداخلت سمیت 6 دفعات شامل کی گئی ہیں ۔

کریڈٹ: انڈیپنڈنٹ نیوز پاکستان-آئی این پی