پاک افغان سرحد کی بندش اور بارشوں کی قلت کے پیش نظر رواں برس چلغوزے کی قیمت میں پچاس سے ساٹھ فیصد تک کمی ریکارڈ کی گئی ہے۔رپورٹ کے مطابق ایک کلوچلغوزے کی قیمت 15 سے 18 ہزار روپے کلو تک تھی،مگر رواں برس چلغو زے کی قیمت 6 سے 9 ہزار روپے فی کلو تک ہے،بلوچستان کے ضلع ژوب اور شیرانی میں اس سال چلغوزہ 3 سے 5 ہزارکابھی فروخت ہوا۔بلوچستان کے کاشتکاراورتاجروں کا کہنا ہے کہ پاک افغان سرحد کی بندش اور بارشوں کی قلت کو قمیتوں میں کمی کی بڑی وجہ قرار دے رہے ہیں،تاجروں کا کہنا ہے کہ چلغوزہ سستا ہونے کی وجہ کوئی بھی ہو، مگر شہری اس موقع کا بھرپور فائدہ اٹھا رہے ہیں۔ماہرین کے مطابق چلغوزہ اگر کولڈ اسٹوریج میں نہ رکھا جائے تو اسکا وزن کم ہوتا ہے،اوربلوچستان میں کولڈ اسٹوریج کی سہولت نہ ہونے کی وجہ سے تاجرمجبورا کم قیمت پرچلغوزہ فروخت کرنے پرمجبور ہیں۔

کریڈٹ: انڈیپنڈنٹ نیوز پاکستان-آئی این پی