حکومت کی جانب سے آئندہ 15 روز کیلئے پیٹرولیم مصنوعات کی قیمتوں میں3 روپے فی لیٹر تک کمی کا امکان ہے۔ذرائع کے مطابق ہائی اسپیڈ ڈیزل کی فی لیٹر قیمت 3 روپے 13 پیسے تک کم ہوسکتی ہے جبکہ آئندہ 15 روز کیلئے پیٹرول فی لیٹر 61 پیسے تک سستا ہو سکتا ہے۔اوگرا پیٹرولیم مصنوعات سے متعلق ورکنگ کل 31 اگست کو حکومت کو بھجوائے گا جبکہ آئل انڈسٹری نے مصنوعات سے متعلق ورکنگ اوگرا کو بجھوا دی۔وزارت خزانہ وزیر اعظم سے مشاورت کے بعد قیمتوں سے متعلق حتمی فیصلہ کرے گی، وفاقی حکومت صوابدیدی اختیارات کے تحت قیمتوں کو کم یا زیادہ کرنے کا اختیار رکھتی ہے، تاہم قیمتوں میں ردوبدل عالمی مارکیٹ میں قیمتوں کے تناسب سے کیا جائے گا۔

کریڈٹ: انڈیپنڈنٹ نیوز پاکستان-آئی این پی