اوکاڑہ کے قریب رینالہ خورد میں مال گاڑی کا انجن دوسری مال گاڑی سے ٹکرانے سے اسسٹنٹ ڈرائیور جاں بحق جبکہ ایک شخص زخمی ہوگیا ۔ حادثے کے بعد کراچی سے لاہور اپ اینڈ ڈان ٹریک پر آمدو رفت معطل ہو گئی۔ وزیرِ ریلوے حنیف عباسی نے مال گاڑی کے اسسٹنٹ ڈرائیور کے جاں بحق ہونے پر افسوس کا اظہار کرتے ہوئے کہا کہ انسانی جان کا کوئی نعم البدل نہیں وہ کسی مسافر کی ہو یا اہلکار کی۔ حنیف عباسی نے متعلقہ حکام کو حادثہ کی انکوائری 3 روز میں مکمل کرکے رپورٹ پیش کرنے کی ہدایت کردی۔ کہا ذمہ داروں کوسخت سزا دلوا کرکیفرکردار تک پہنچایا جائیگا۔

کریڈٹ: انڈیپنڈنٹ نیوز پاکستان-آئی این پی