سپریم جوڈیشل کونسل نے چیف الیکشن کمشنر سکندر سلطان راجہ اور الیکشن کمیشن کے دو اراکین نثار احمد اور شاہ محمد کے خلاف دائر شکایات کو خارج کر دیا، کونسل کا فیصلہ پبلک بھی کر دیا گیا ہے۔جاری اعلامیے کے مطابق سپریم جوڈیشل کونسل کے اجلاس 8 نومبر اور 13 دسمبر 2024 کو منعقد ہوئے جن میں تین علیحدہ علیحدہ شکایات کا جائزہ لیا گیا، یہ شکایات نمبر 532/2021، 557/2022 اور 563/2022 تھیں۔کونسل نے تفصیلی جائزے کے بعد قرار دیا کہ شکایات میں کوئی جواز نہیں بنتا لہذا انہیں خارج کیا جاتا ہے، مذکورہ شکایات تحریک انصاف کی جانب سے بھی سپریم جوڈیشل کونسل کو ارسال کی گئی تھیں۔

کریڈٹ: انڈیپنڈنٹ نیوز پاکستان-آئی این پی