پاکستان اسٹاک ایکسچینج میں منگل کوبھی ریکارڈ ساز تیزی دیکھی گئی ، جہاں ہنڈرڈ انڈیکس نئی بلند ترین سطح پر پہنچ گیا ۔کاروباری ہفتے کے دوسرے روز بھی بازارِ حصص میں زبردست تیزی دیکھی جا رہی ہے، جہاں کاروبار کا آغاز 687 پوائنٹس کی تیزی کے ساتھ ہوا، جس کے نتیجے میں کے ایس ای 100 انڈیکس بڑھ کر ایک لاکھ 47 ہزار 617 پوائنٹس کی نئی بلند ترین سطح پر پہنچ گیا۔بعد ازاں مارکیٹ پر تیزی کا غلبہ رہا اور انڈیکس مجموعی طور پر 915 پوائنٹس کی تیزی کے نتیجے میں ایک لاکھ 47 ہزار 845 پوائنٹس کی بلندی کو چھو گیا۔

کریڈٹ: انڈیپنڈنٹ نیوز پاکستان-آئی این پی