چین میں تعینات کی ایجوکیشن اتاشی عفیفہ شازیہ اویس نے کہا ہے کہ چین نے پاکستانی نوجوانوں کو سیکھنے کے قیمتی مواقع فراہم کیے ہیں،دونوں ممالک کے صنعتی تعاون میں مسلسل نئے ٹیلنٹ کو متعارف کرایا ہے، پاکستان نیشنل ووکیشنل اینڈ ٹیکنیکل ایجوکیشن کمیشن تانگ فینگ کے ساتھ مل کر 210 پروگراموں کو پاکستان کے پیشہ ورانہ تعلیمی نظام میں ضم کرے گا، اس سے اعلی معیار کے تعاون کے ایک نئے باب کی راہ ہموار ہوگی۔ گوادر پرو کے مطابق ووشی تانگ فینگ انٹرنیشنل ایجوکیشن گروپ کے زیر اہتمام اور پاکستان کے نیشنل ووکیشنل اینڈ ٹیکنیکل ایجوکیشن کمیشن اور دیگر حکومتی اداروں کی رہنمائی میں چائنا پاکستان ووکیشنل ایجوکیشن کوآپریشن اینڈ ڈیولپمنٹ سیمینار 2024 چین کے شہر ووشی میں منعقد ہوا۔ تقریب میں 300 سے زائد شرکا نے شرکت کی جن میں چین پاکستان کے سفارت خانے کی ایجوکیشن اتاشی عفیفہ شازیہ اویس کے علاوہ چین اور پاکستان کے تعلیمی اور صنعتی شعبوں کے رہنماں اور ماہرین بھی شامل تھے۔ سیمینار کے دوران چین پاکستان انٹرنیشنل انڈسٹریل ایجوکیشن کوآپریشن الائنس کی اہم کامیابیوں کی رونمائی کی گئی۔گوادر پرو کے مطابق و عفیفہ شازیہ اویس نے اس بات پر زور دیا کہ حالیہ برسوں میں پاکستان کی پروینشل ٹیکنیکل ایجوکیشن اینڈ ووکیشنل ٹریننگ اتھارٹیز نے سی سی ٹی ای پروگرام، چینی زبان کے کورسز، قلیل مدتی تربیت اور صنعت و تعلیم کے انضمام کے منصوبوں جیسے اقدامات پر تانگ فینگ کے ساتھ قریبی شراکت داری کی ہے۔ ان کوششوں نے پاکستانی نوجوانوں کو سیکھنے کے قیمتی مواقع فراہم کیے ہیں اور دونوں ممالک کے صنعتی تعاون میں مسلسل نئے ٹیلنٹ کو متعارف کرایا ہے۔

گوادر پرو کے مطابق پاکستان نیشنل ووکیشنل اینڈ ٹیکنیکل ایجوکیشن کمیشن تانگ فینگ کے ساتھ مل کر 210 پروگراموں کو پاکستان کے پیشہ ورانہ تعلیمی نظام میں ضم کرے گا، جو چین پاکستان اقتصادی راہداری کی ضروریات کو پورا کرنے کے لیے تیار کیے گئے ہیں۔ ڈیجیٹل اور گرین انڈسٹری-ایجوکیشن تعاون کے ماڈل کو استعمال کرتے ہوئے، یہ شراکت داری دونوں ممالک کے درمیان پیشہ ورانہ تعلیم کے انضمام کو بڑھانے کی کوشش کرتی ہے، جس سے اعلی معیار کے تعاون کے ایک نئے باب کی راہ ہموار ہوگی۔ گوادر پرو کے مطابق و قومی سطح پر منصوبے کی افتتاحی تقریب میں پاکستان کے نیشنل ووکیشنل اینڈ ٹیکنیکل ایجوکیشن کمیشن کی چیئرپرسن گلمینہ بلال احمد نے ویڈیو خطاب کیا۔ انہوں نے کہا کہ ایک سال قبل اپنے قیام کے بعد سے چین پاکستان انٹرنیشنل انڈسٹریل ایجوکیشن کوآپریشن الائنس نے دونوں ممالک میں اداروں اور کاروباری اداروں کے درمیان تعاون کے متعدد گہرے منصوبوں کے قیام کی حمایت کی ہے جس کے شاندار نتائج حاصل ہوئے ہیں۔ گوادر پرو کے مطابق و اس تقریب میں 70 سے زائد نئے چینی اداروں کو الائنس میں شامل کیا گیا، یہ تمام ادارے پاکستان کے تعلیمی حکام اور تانگ فینگ انٹرنیشنل ایجوکیشن گروپ کے ساتھ مل کر چین پاکستان تعلیمی تعاون کو مزید مستحکم کریں گے۔ گوادر پرو کے مطابق واس کے علاوہ عفیفہ شازیہ اویس نے لیاننگ پیٹروکیمیکل ووکیشنل اینڈ ٹیکنیکل کالج کو "پاک چائنا فرینڈشپ لینگویج سینٹر" کے شریک معمار کا درجہ دیا اور چائنا پاکستان ڈیجیٹل نصاب اور اسٹینڈرڈز پراجیکٹ کے اجرا کا مشاہدہ کیا جس میں آٹھ چینی ادارے بھی شامل ہوئے۔

کریڈٹ: انڈیپنڈنٹ نیوز پاکستان-آئی این پی