وفاقی حکومت نے ملک میں فائیو جی سپیکٹرم کی نیلامی کیلئے ٹیلی نار اور پی ٹی سی ایل کے انضمام کا مسئلہ حل کرانے کا عندیہ دیدیا وزیراعظم شہبازشہبارشریف نے اتصالات وفد کی درخواست پر نائب وزیراعظم اسحاق ڈار کو مسئلہ جلد از جلد حل کرنے کا ٹاسک سونپ دیا گیا۔اتصالات کے وفد نے وزیراعظم شہباز شریف سے حالیہ ملاقات میں ٹیلی نار اور پی ٹی سی ایل کا انضمام یقینی بنانے کیلئے مدد مانگی تھی۔رپورٹ کے مطابق وزیراعظم نے اتصالات کو معاملے کے حل میں کردار ادا کرنے کی یقین دہانی کرائی۔وزیراعظم نے انضمام کے معاملے کی ذمہ داری نائب وزیراعظم اسحاق ڈار کو سونپ دی۔حکومتی ذرائع کے مطابق نائب وزیراعظم اسحاق ڈار اسٹیک ہولڈرز سے مشاورت کے بعد مسئلے کے حل کی راہ نکالیں گے۔

کریڈٹ: انڈیپنڈنٹ نیوز پاکستان-آئی این پی