گردوارہ کرتارپور صاحب کے احاطے سے پانی نکالنے کے بعد صفائی کا کام مکمل کر لیا گیاجس میں انتظامیہ کے ساتھ رینجر اہلکاروں نے بھی حصہ لیا،سکھ برادری نے فیلڈ مارشل سیدعاصم منیر،وزیرا عظم اور وزیر اعلی کا شکریہ ادا کیا ہے ۔بھارتی آبی جارحیت کی وجہ سے گردوارہ صاحب میں سیلابی پانی داخل ہوگیا تھا،سکھ برداری نے کرتارپور کی صفائی پر پاکستانی حکومت کاشکریہ اداکیاہے۔ کرتارپور پراجیکٹ مینجمنٹ،سکھ گردوارہ پربندھک کمیٹی اور ضلعی و تحصیل انتظامیہ نے دن رات کام کیا، سول انتظامیہ کے ساتھ ساتھ رینجر اہلکاروں نے بھی صفائی مہم میں حصہ لیا۔

کریڈٹ: انڈیپنڈنٹ نیوز پاکستان-آئی این پی