نائب وزیر اعظم و وزیر خارجہ نے اسحاق ڈار نے کہا ہے کہ فتح پاکستان کی ہوگی،یہ نہیں ہوسکتا کہ بھارت اپنا کام کرتاجائے اور ہم انتظار کرتے رہیں۔پاکستان کی جانب سے بھارت کے پے در پے جارحانہ اقدامات کا جواب دیتے ہوئے آپریشن بنیان المرصوص کے آغاز پراسحاق ڈار نے کہا کہ مسلح افواج کی مکمل تیاری تھی، ہم کوئی رسک نہیں لے سکتے تھے، ہم نے کارروائی دفاعی اقدام کے طورپر کی۔اسحاق ڈار کا مزید کہنا تھا کہ دنیا کی ذمہ داری ہیکہ بھارت کو سمجھائے اس نے کیا غلطی کی ہے۔ان کا کہنا تھا کہ بھارت نے پچھلے 48 گھنٹوں میں متواتر جھوٹ بولے، بھارت نے چھپ چھپ کر ہم پر میزائل اور ڈورون داغے، بھارت کیلئے یہ ثابت کرنا ناممکن ہے کہ وہ جوہری طور پر زیادہ طاقتور ہے۔ دریں اثناء وزیر اطلاعات عطا تارڑ نے کہا کہ بنیان المرصوص یعنی(سیسہ پلائی ہوئی دیوار) ،سور ة صف کی یہ آیت "اِن اللہ یحِب الذِین یقاتِلون فِی سبِیلِہ صفا کانہم بنیان مرصوص" ایک حکم ہے۔عطا تارڑ نے بتایا کہ آیت میں حکم ہے کہ جب جنگ مسلط ہو جائے تو ایک جٹ ہو کر دشمن سے بھڑ جا، اللہ ہمارا حامی و ناصر ہوگا۔

کریڈٹ: انڈیپنڈنٹ نیوز پاکستان-آئی این پی