کراچی کے علاقے گارڈن میں پولیس نے کارروائی کرتے ہوئے بلڈر کو بھتے کی پرچی دینے والے ملزم کو گرفتار کرکے اسلحہ برامد کر لیا۔ایس ایس پی سٹی عارف عزیز کے مطابق گرفتار ملزم کی شناخت بلال کے نام سے ہوئی ہے، ملزم بلال نے 30 اگست کو زیر تعمیر عمارت میں بھتے کی پرچی دینے کے بعد دو مزدوروں کو فائرنگ کر کے زخمی کیا تھا۔ایس یاس پی کا کہنا ہے کہ ملزم جمیل چھانگا گینگ کا کارندہ ہے، بھتہ خوری کے متعلق بیرون ملک میں بیٹھے جمیل چھانگا سے ہدایت ملتی تھیں۔پولیس کے مطابق ملزم ماضی میں بھی بھتہ خوری اور قتل کے مقدمے میں گرفتار ہو کر جیل جا چکا ہے۔

کریڈٹ: انڈیپنڈنٹ نیوز پاکستان-آئی این پی