سٹی کورٹ کراچی میں ڈیفنس کے علاقے میں شہری پر تشدد کے مقدمے کی سماعت کے موقع پر پولیس نے کیس ختم کرنے کی رپورٹ عدالت میں جمع کرادی۔ عدالت نے پولیس کی سی کلاس رپورٹ کو ریکارڈ کا حصہ بناتے ہوئے کیس نمٹا دیا۔پولیس کی جانب سے جمع کرائی گئی رپورٹ میں بتایا گیا کہ متاثرہ نوجوان دھیرج نے مزید کارروائی نہ کرنے کی خواہش ظاہر کی ہے۔ رپورٹ کے مطابق نوجوان کا کہنا ہے کہ یہ مقدمہ ایک غلط فہمی کی بنیاد پر درج کیا گیا تھا، جسے اب وہ ختم کرنا چاہتا ہے۔عدالت نے پولیس رپورٹ کی روشنی میں کیس کو ختم کرنے کا فیصلہ سناتے ہوئے مقدمے کو نمٹا دیا۔ یاد رہے کہ یہ کیس ڈیفنس میں شہری پر مبینہ تشدد کے واقعے سے متعلق درج کیا گیا تھا۔

کریڈٹ: انڈیپنڈنٹ نیوز پاکستان-آئی این پی