کراچی کے علاقے جام گوٹھ ملیر کے مقام پر شاہراہ بھٹو سیلاب میں بہہ گئی جبکہ سندھ حکومت کے ترجمان نے کہا ہے کہ شاہراہ بھٹو پر کوئی شگاف نہیں پڑا ہے۔علاقہ مکین کا کہنا ہے کہ ملیر ندی کے اندر شاہراہ بھٹو کی تعمیر کی وجہ سے پانی گزرنے کی جگہ تنگ ہو گئی ہے۔پانی ملیر ندی کے درمیان تعمیر ہونے والی شاہراہ بھٹو کو کاٹ کر دوسری جانب نکل گیا۔ دوسری جانب ترجمان سندھ حکومت نادر نبیل گبول نے کہا ہے کہ شاہراہ بھٹو زیر تعمیر ہے، پانی کو راستہ دینے کے لیے کٹ دیا گیا، پریشانی کی بات نہیں۔نادر نبیل گبول کا کہنا تھا کہ انٹرنیشنل فرم شاہراہ بھٹو بنا رہی ہے، کوتاہی برداشت نہیں کر سکتے، شاہراہ بھٹو پر پانی کی نکاسی کا نظام بنائیں گے، ابھی یہ حصہ عوام کے لیے نہیں کھلا۔

کریڈٹ: انڈیپنڈنٹ نیوز پاکستان-آئی این پی