اسلام آباد ہائیکورٹ کے جسٹس محسن اختر کیانی نے قتل کے مقدمے میں بریت کی درخواست پر سماعت کے دوران کیس کی ناقص تفتیش پر تفتیشی افسر پر برہمی کا اظہار کیا۔جسٹس محسن اختر کیانی نے ریمارکس دئیے کہ آپ جیسے لوگوں کی وجہ سے ملزمان بری ہو جاتے ہیں، جب ملزمان بری ہوتے ہیں تو لوگ عدالتوں اور اس ملک پر لعنتیں بھیجتے ہیں۔وکیل درخواست گزار نے بتایا کہ پولیس نے جو چیز ملزم سے برآمد کرنی تھی وہ مقتول کے والد سے برآمد کی، ملزم سے برآمد ہونے والی چیز مقتول کے والد سے برآمد کرنے سے ملزم کو اسکا فائدہ پہنچایا گیا۔

کریڈٹ: انڈیپنڈنٹ نیوز پاکستان-آئی این پی