پاکستان میں کینسر کی روک تھام کیلئے حکومت کی جانب سے مرض کی تشخیص کیلئے مفت اسکیننگ شروع کرنے کا فیصلہ کیا گیا ہے ۔ یورپ کے سب سے بڑے کینسر ریسرچ سینٹر کے وفد نے وفاقی وزیرِ صحت سید مصطفی کمال سے ملاقات کی۔ معروف عالمی کینسر اسپیشلسٹ ڈاکٹر اسٹیفن فسٹا کی سربراہی میں آنے والے ڈاکٹرز اور ریسرچرز پر مشتمل وفد نے پاکستان میں کینسر کی روک تھام کیلئے جدید ترین ٹیکنالوجی کے ذریعے ایک سال تک بچوں کی فری کینسر اسکیننگ کرنے کا اعلان کیا۔وزیرِ صحت مصطفی کمال نے اس موقع پر کہا کہ جلد ہی جدید ترین ٹیکنالوجی کے ذریعے بچوں میں کینسر کی تشخیص کے لئے مفت اسکیننگ شروع کی جائے گی۔انہوں نے مزید کہا کہ اس حوالے سے پاکستانی پتھالوجسٹس کو ٹریننگ بھی دی جائے گی۔

کریڈٹ: انڈیپنڈنٹ نیوز پاکستان-آئی این پی