وفاقی وزیر صحت مصطفی کمال نے بھارت سے علاج کے بغیر واپس آنے والی 2 بچیوں کے معاملے پر نوٹس لے لیا۔جاری بیان کے مطابق وفاقی وزیر صحت مصطفی کمال نے کہا ہے کہ سرکاری سطح پر بچیوں کا علاج پاکستان میں ہی کروائیں گے، ڈی جی ہیلتھ کو بچیوں کے اہلخانہ کی مدد کی ہدایت کی ہے۔مصطفی کمال کا کہنا تھا کہ بچیوں کے علاج کیلئے وزیراعظم ہائوس نے بھی رابطہ کیا ہے، وزارت صحت کے حکام نے علاج کیلئے اسپتالوں سے رابطے کیے ہیں۔ وفاقی وزیر نے کہا کہ آرمڈ فورسز انسٹیٹیوٹ آف کارڈیالوجی میں بچیوں کا علاج کروایا جاسکتا ہے۔واضح رہے کہ پہلگام واقعے پر پاک بھارت کشیدگی کے باعث 2 بچوں کے دل کے علاج کیلئے بھارت جانے والی فیملی وطن واپس پہنچ گئی۔

کریڈٹ: انڈیپنڈنٹ نیوز پاکستان-آئی این پی