وزیراعظم محمد شہبازشریف نے چھٹی جماعت سے آئی ٹی مضمون کو نصاب کا لازمی حصہ بنانے کی ہدایت کردی۔وزیراعظم کی زیر صدارت وزارت آئی ٹی و ٹیلی کام کے امور پر جائزہ اجلاس ہوا، اجلاس میں فیصلہ کیا گیا کہ تعلیمی اداروں میں آئی ٹی کی معیاری تعلیم کیلئے صوبوں سے ملکر کام کیا جائے گا، آئی ٹی شعبے کا فروغ اور آئی ٹی سے متعلق برآمدات میں اضافہ اولین ترجیحات ہیں۔وزیراعظم نے کم ترقی یافتہ علاقوں کے سکولوں، کالجوں اور ریسرچ اداروں میں آئی ٹی کی تربیت شروع کرنے کی ہدایت کی، آئی ٹی کے تربیتی پروگرامز کا معیار بہترین بنانے کے بھی احکامات جاری کئے۔

کریڈٹ: انڈیپنڈنٹ نیوز پاکستان-آئی این پی