انگلینڈ کرکٹ ٹیم کیسابق کپتان جیفری بائیکاٹ ایشز کے دوسرے ٹیسٹ میں آسٹریلیا کے ہاتھوں شکست پر اپنی ٹیم پر برس پڑے۔سابق کپتان جیفری بائیکاٹ نے انگلینڈ کرکٹ ٹیم کو غیر ذمہ دار اور بے کار قرار دیتے ہوئے کہا بین اسٹوکس اور برینڈن میکلم سمجھتے ہیں کہ صرف انہیں ماڈرن ٹیسٹ کرکٹ کا علم ہے، ہمیں اب انہیں سننا بند کر دینا چاہیے۔جیفری بائیکاٹ نے کہا کہ برسبین میں ایک ڈرائونا شو پیش کیا گیا، غیر ذمہ دارانہ بیٹنگ کی گئی اور شارٹ لینتھ بولنگ کی گئی، اس آسٹریلوی ٹیم کو ہرایا جانا چاہیے تھا۔سابق انگلش کپتان کا کہنا تھا چھ روز کی ایشیز کرکٹ کے بعد اب انگلینڈ کو معجزے کی ضرورت ہے، اس بیٹنگ اور بولنگ کے ساتھ انگلینڈ کرکٹ ٹیم جیت نہیں سکتی۔

جیفری بائیکاٹ نے کہا کہ وہ اس ایشز سیریز کی 4 برس سے پلاننگ کر رہے تھے لیکن اب وہ کر کیا رہے ہیں، انگلینڈ کرکٹ ٹیم کا کوئی رکن اپنے کیمپ کے علاوہ کسی کی سننے کے لیے تیار نہیں ہے، ٹیسٹ کرکٹ تبدیل ہو گئی ہے اور وہ سمجھتے ہیں کہ صرف انہیں ہی مادڑن ڈے ٹیسٹ کرکٹ کا علم ہے۔سابق کپتان نے کہا کہ انگلینڈ کرکٹ کا ہر سپورٹر یہ جاننا چاہتا ہے کہ ہیری بروک کے دماغ میں کیا چل رہا ہے، ہیری بروک آسٹریلیا کی پچز پر اپنے پیروں کو حرکت میں ہی نہیں لا رہا۔یاد رہے کہ ایشز سیریز کے پہلے دونوں ٹیسٹ میچز میں آسٹریلیا نے انگلینڈ کو یکطرفہ مقابلے کے بعد شکست دیکر 5 میچوں کی سیریز میں دو صفر کی سبقت حاصل کر لی ہے۔

کریڈٹ: انڈیپنڈنٹ نیوز پاکستان-آئی این پی