تاجروںکیلئے مجوزہ آسان ٹیکس سکیم کے تحت 30 ستمبر کے بعد انکم ٹیکس گوشوارے جمع کرانے والوں پر 25 ہزار روپے جرمانہ عائد کرنے کی تجویز پیش سامنے آئی ہے ۔ رپورٹ کے مطابق کے مطابق وزیراعظم محمد شہباز شریف 14 اگست کو تاجروں کیلئے آسان ٹیکس سکیم اور رواں مالی سال کے انکم ٹیکس گوشوارے کا نیا فارم متعارف کرائیں گے۔ذرائع کا کہنا ہے کہ سکیم کے تحت 30 ستمبر تک بروقت انکم ٹیکس گوشوارے جمع کرانے والے تاجروں کو خصوصی سہولت دینے کی تجویز ہے، بروقت گوشوارہ جمع کرانے والے تاجر کو آسان ٹیکس سکیم کی رجسٹریشن فیس سے چھوٹ دی جائے گی۔ذرائع کے مطابق 30 ستمبر کے بعد گوشوارہ جمع کرانے والے تاجروں کیلئے 25 ہزار روپے رجسٹریشن فیس اور 25 ہزار روپے جرمانہ عائد کرنے کی تجویز ہے

جبکہ بروقت گوشوارے جمع کرانے والے تاجروں کو 25 ہزار روپے کی رجسٹریشن پلیٹ بھی فراہم کی جائے گی۔مجوزہ سکیم کے تحت کاروباری افراد اور انفرادی ٹیکس دہندگان کے لئے الگ الگ انکم ٹیکس گوشوارہ فارم متعارف کرانے کی بھی تجویز ہے۔ذرائع کے مطابق رواں مالی سال کے انکم ٹیکس گوشوارے کیلئے نیا فارم 14 اگست کو لانچ کیا جائے گا، جس کا مقصد تاجروں کے لیے ٹیکس گوشوارے جمع کرانے کے عمل کو آسان بنانا ہے۔واضح رہے کہ مذکورہ جرمانے اور مراعات سے متعلق تفصیلات کو ذرائع کی تجاویز کے طور پر بیان کیا گیا ہے، حتمی قواعد کا اطلاق متعلقہ حکومتی نوٹیفکیشن کے بعد ہوگا۔

کریڈٹ: انڈیپنڈنٹ نیوز پاکستان-آئی این پی