کراٹے ورلڈ چیمپئن شاہزیب رند نے کہا ہے کہ ہمارے سیاستدان کرپٹ ہیں، پچھلی بار جب میں جیتا تو شہباز شریف نے میرے لیے 50 لاکھ اور 8 کروڑ میرے ٹریننگ کیمپ اور آئندہ فائٹس کے لیے دینے کا اعلان کیا مگر یہ سب جھوٹ تھا،مجھے ایک پیسہ بھی نہیں ملا۔ شاہزیب رند نے سماجی رابطے کی ویب سائٹ ایکس پر اپنے جذبات کا اظہار کرتے ہوئے اعلانات کے باوجود انعامات نہ دیئے جانے پر حکومت کو آڑے ہاتھوں لیا۔ ان کا مزید کہنا تھا کہ سیاستدان صرف تصویریں بنواتے ہیں، جھوٹے وعدے کرتے ہیں اور پھر بھول جاتے ہیں۔ واضح رہے کہ پاکستانی کراٹے فائٹر شاہزیب رند رواں سال جنوری میں اپنے سب سے مشکل حریف اور 3 بار کے عالمی چیمپئن ایڈگر سکرائیور کو شکست دے کر لائٹ ویٹ چیمپئن ہونے کے اعزاز کا دفاع کرنے میں کامیاب رہے تھے۔

کریڈٹ: انڈیپنڈنٹ نیوز پاکستان-آئی این پی