آئی سی سی ٹی ٹوئنٹی وویمنز نمبر ون پاکستانی ویمن باولر سعدیہ اقبال کی سالگرہ آئرلینڈ کے کلونٹارف کرکٹ گرائونڈ میں منائی گئی ۔ ٹاپ سپنر سعدیہ اقبال نے پاکستان اور آئرلینڈ کے مابین میچ سے قبل ساتھی کھلاڑیوں کے ساتھ مل کر کیک کاٹا ۔کھلاڑیوں،کوچنگ ومینجمنٹ سٹاف نے سالگرہ کی تقریب میں شرکت کی ۔ساتھی کھلاڑیوں اور کوچنگ ومینجمنٹ سٹاف نے سعدیہ اقبال کو سالگرہ کی مبارکباد دی ۔کھلاڑیوں اور سٹاف نے سعدیہ اقبال کے لئے نیک خواہشات کا اظہار کیا ۔اس موقع پرسعدیہ اقبال کا کہناتھا انشااللہ آئرلینڈ کیخلاف پہلا میچ جیت کر خوشیاں دوبالا ہو جائیں گی۔

کریڈٹ: انڈیپنڈنٹ نیوز پاکستان-آئی این پی