سابق بھارتی کرکٹر سابق سنیل گواسکر نے کہا ہے کہ ویرات کوہلی اور روہت شرما جیسے بڑے کھلاڑیوں کی 2027 ورلڈ کپ میں شرکت کا انحصار مکمل طور پر سلیکشن کمیٹی کی رائے پر ہوگا۔ایک انٹرویو میں ان کا کہنا تھا کہ روہت اور ویرات ون ڈے فارمیٹ میں بڑے پرفارمرز رہے ہیں۔ سلیکشن کمیٹی شاید 2027 ورلڈ کپ کو ذہن میں رکھ کر فیصلے کرے گی۔ وہ یہ دیکھیں گے کہ کیا یہ دونوں کھلاڑی اس وقت ٹیم میں شامل رہنے کے اہل ہوں گے؟ کیا وہ وہی کارکردگی دکھا سکیں گے جو اب تک دکھاتے آئے ہیں؟ یہی وہ سوچ ہے جو سلیکشن کمیٹی کے فیصلوں کی بنیاد بنے گی۔ اگر کمیٹی کو لگا کہ ہاں، یہ کر سکتے ہیں، تو دونوں ورلڈ کپ کھیلیں گے۔جب ان سے ذاتی رائے پوچھی گئی تو گواسکر نے واضح طور پر کہا کہ میں نہیں سمجھتا کہ ویرات اور روہت ورلڈ کپ کھیل سکیں گے۔ ہاں اگر وہ اچھی پرفارمنس دکھائیں اور سنچریاں اسکور کریں تو ممکن ہے ٹیم میں جگہ بنا لیں۔ ویرات کوہلی اور روہت شرما پہلے ہی ٹی ٹوئنٹی انٹرنیشنل سے ریٹائر ہو چکے ہیں، اور اب صرف ون ڈے انٹرنیشنل میں ہی بھارت کی نمائندگی کرتے نظر آئیں گے۔

کریڈٹ: انڈیپنڈنٹ نیوز پاکستان-آئی این پی