مشرقِ وسطی میں بڑھتی ہوئی کشیدگی کے باعث آبنائے ہرمز کے ذریعے توانائی کی ترسیل کو خطرات لاحق ہیں، جس کے نتیجے میں پاکستان کا معاشی استحکام ایک اہم آزمائش سے گزر رہا ہے۔ ماہرین خبردار کرتے ہیں کہ درآمدی ایندھن پر ملک کا زیادہ انحصار اسے ایک وسیع بحران کے خطرے سے دوچار کرتا ہے، جو صرف تیل کی قیمتوں تک محدود نہیں بلکہ فریٹ، انشورنس اور لاجسٹکس کے اخراجات تک پھیل سکتا ہے۔آبنائے ہرمز، جو ایک تنگ سمندری گزرگاہ ہے اور روزانہ تقریبا 2 کروڑ بیرل تیل جو عالمی پیٹرولیم کھپت کا تقریبا پانچواں حصہ ہے کی ترسیل سنبھالتی ہے، ایک اہم جغرافیائی و سیاسی تنازعہ کا مرکز بن چکی ہے۔پاکستان کے لیے، جہاں خام تیل اور کوئلے کی تقریبا 75 فیصد ضروریات درآمدات سے پوری ہوتی ہیں جبکہ مائع قدرتی گیس ایل این جی کل گیس کھپت کا تقریبا ایک چوتھائی حصہ ہے، کسی بھی قسم کی رکاوٹ کے بیرونی کھاتوں، مہنگائی اور مجموعی معاشی استحکام پر سنگین اثرات مرتب ہو سکتے ہیں۔اسٹیٹ بینک آف پاکستان کے مطابق، مالی سال 2025 میں ملک کا توانائی درآمدی بل تقریبا 15.9 ارب ڈالر تھا۔

اگر تیل کی قیمت 100 ڈالر فی بیرل تک پہنچ جائے تو بڑھتی ہوئی طلب کے باعث یہ بل 24.5 ارب ڈالر تک جا سکتا ہے۔پائیدار ترقی پالیسی انسٹی ٹیوٹ کے سربراہ ڈاکٹر عابد قیوم سلیری کے مطابق خطرات محض تیل کے جھٹکے تک محدود نہیں ہیں۔انہوں نے کہا، یہ جنگ صرف تیل کا جھٹکا نہیں بلکہ فریٹ، انشورنس اور لاجسٹکس کا بھی جھٹکا ہے۔خلیجی خطے میں جنگی خطرات کی انشورنس لاگت میں نمایاں اضافہ ہوا ہے، جبکہ بڑی شپنگ کمپنیاں اپنے جہازوں کو کیپ آف گڈ ہوپ کے راستے موڑ رہی ہیں اور ہنگامی ایندھن سرچارج بھی عائد کر رہی ہیں۔ ان پیش رفتوں کے باعث پاکستان کے مختلف شعبوں میں درآمدی لاگت بڑھ رہی ہے۔جولائی تا فروری مالی سال 2026 کے دوران درآمدات پہلے ہی 41.8 ارب ڈالر اور کرنٹ اکانٹ خسارہ 0.7 ارب ڈالر تک پہنچ چکا ہے، اس لیے ایندھن اور شپنگ اخراجات میں معمولی اضافہ بھی بیرونی توازن پر نمایاں دبا ڈال سکتا ہے۔مہنگائی پر اس کے اثرات بھی تشویشناک ہیں۔ تیل اور رسد کے جھٹکے قیمتوں میں اضافے کا بڑا سبب بنتے ہیں، خاص طور پر جب ٹرانسپورٹ سیکٹر پیٹرولیم مصنوعات کا بڑا حصہ استعمال کرتا ہے

جس سے ایندھن کی قیمتوں میں اضافہ فوری طور پر فریٹ، خوراک اور صارفین کی قیمتوں میں منتقل ہو جاتا ہے۔ڈاکٹر سلیری کے مطابق یہ کمزوریاں پاکستان کے لیے توانائی کے متبادل ذرائع کی طرف تیزی سے منتقلی کی ضرورت کو اجاگر کرتی ہیں۔ انہوں نے کہا کہ اگر قابلِ تجدید توانائی کے فروغ کے ساتھ گرڈ کی صلاحیت، ذخیرہ، کارکردگی اور ٹرانسپورٹ کی برقی کاری میں بہتری لائی جائے تو اس کے فوائد زیادہ ہوں گے۔پاکستان انسٹی ٹیوٹ آف ڈیولپمنٹ اکنامکس کے پروفیسر ناصر اقبال نے کہا کہ اگر یہ خلل طویل عرصے تک جاری رہا تو معیشت پر سنگین اثرات مرتب ہوں گے۔انہوں نے بتایا کہ حالیہ ہفتوں میں ایران کی سہولت کاری کے باعث سپلائی جاری رہی ہے، تاہم انشورنس اور لاجسٹکس کے بڑھتے ہوئے اخراجات درآمدی بل پر دبا ڈال رہے ہیں۔ مکمل سپلائی بندش نہ ہونے کے باوجود صرف بڑھتی ہوئی لاگت ہی ایک بڑا معاشی بحران پیدا کر رہی ہے۔انہوں نے مزید کہا کہ درآمدی اخراجات میں اضافہ ممکنہ طور پر مقامی ایندھن کی قیمتوں میں اضافے کا باعث بنے گا، کیونکہ عالمی قیمتوں کا دبا مقامی مارکیٹ تک منتقل ہوتا ہے۔

اگرچہ حکومت نے مالیاتی ایڈجسٹمنٹ اور ترقیاتی اخراجات میں کمی کے ذریعے صورتحال کو سنبھالنے کی کوشش کی ہے، لیکن یہ اقدامات طویل مدت تک برقرار رکھنا مشکل ہو سکتا ہے۔مختصر مدت میں انہوں نے توانائی کے استعمال کو کم کرنے کے لیے انتظامی اقدامات جیسے کام کے دن کم کرنا، ریموٹ ورک پالیسیوں کو اپنانا اور بچت مہمات کی تجویز دی۔درمیانی مدت میں انہوں نے صاف توانائی، خاص طور پر سولر توانائی کے فروغ کو تیز کرنے اور اس کی راہ میں حائل پالیسی رکاوٹوں کا جائزہ لینے پر زور دیا۔ طویل مدت میں انہوں نے بیرونی جھٹکوں سے نمٹنے کے لیے پاکستان کے توانائی کے نظام کی ازسرِ نو تشکیل کی ضرورت پر زور دیا۔تجزیہ کاروں کے مطابق اگرچہ آبنائے ہرمز کے ذریعے سپلائی میں خلل ایک بڑا خطرہ ہے، لیکن فوری دبا پہلے ہی ایندھن، فریٹ اور انشورنس کے بڑھتے ہوئے اخراجات کی صورت میں ظاہر ہو رہا ہے۔ درآمدی توانائی پر مسلسل انحصار پاکستان کو بیرونی دبا کے لیے انتہائی حساس بناتا ہے، جس سے توانائی کی سلامتی مضبوط بنانے کے لیے قلیل مدتی حکمتِ عملی اور طویل مدتی ساختی اصلاحات کی اہمیت مزید بڑھ جاتی ہے۔

کریڈٹ: انڈیپنڈنٹ نیوز پاکستان-آئی این پی ویلتھ پاک