ٹی وی ' فلم اور تھیٹر کے معروف اداکار سہیل احمد کا کہنا ہے کہ ہم اپنی ثقافت بھول کر دوسروں کی تقلید میں لگ گئے ہیں۔ ایک انٹرویو کے دوران انہوں نے کہا کہ ہمارا اصل مسئلہ ہے کہ ہم نے اپنی ثقافت کو چھوڑ دیا ہے، پھر چاہے شعبہ کوئی بھی ہو ہم اپنی ثقافت کو بھول گئے ہیں، ثقافت کو مختلف ذرائع زندہ رکھتے ہیں جس میں سب سے اہم شوبز، اداکاری بالخصوص تھیٹر ہے۔سینئر اداکار کے مطابق ہم سیاسی خبروں میں الجھ کر رہ گئے ہیں، مجھے ٹی وی دیکھ کر ہنسی آتی ہے، جو اس ملک کا مسئلہ نہیں ہے ہم اس کے پیچھے لگے ہوئے ہیں۔انہوں نے کہا کہ دنیا کا کوئی ملک ایسا نظر نہیں آئے گا جو دوسرے کی ثقافت کی نقل کرتا ہوگا، ہر کوئی اپنی ثقافت کو زندہ رکھنے کی کوشش کرتا ہے۔سہیل احمد کے مطابق ہر چیز میں نقل کی جاسکتی ہے لیکن ثقافت میں نہیں 'ہمیں اپنے آبا و اجدا کی میراث کو زندہ رکھنے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی