موسمیاتی تبدیلی کے بارے میں وزیر اعظم کی کوآرڈینیٹر رومینہ خورشید عالم نے کہا ھے کہ پاکستان نجی شعبے کے تعاون سے عالمی معیار کا نیا سبز ٹیکنالوجی مرکز قائم کرے گا۔سبز ٹیکنالوجی مرکز (گرین ٹیک ہب) بننے سے پاکستان علاقائی رہنما کے طور پر سامنے آئے گا۔منصوبے سے پاکستان ماحول دوست موسمیاتی جدت کا باعث بنے گا۔منصوبہ پاکستان میں ماحول دوست تبدیلیوں کے لیے ایک مثبت قدم ثابت ہوگا۔ ویبینار سے اپنے ایک خطاب میں آج انھوں نے کہا کہ پاکستان کوپ 29 عالمی سربراہی اجلاس میں اختراعی ماحولیاتی حل پیش کرے گا اور موسمیاتی تبدیلی سے نمٹنے کے لئے قابل عمل جدید حل پیش کرے گا۔سبز ٹیکنالوجی مرکز قرار دیئے جانے سے پاکستان میں انوویٹرز اور سرمایہ کاروں کے درمیان تعاون فروغ پائے گا۔گرین ٹیک ہب بننے سے مستقبل میں پاکستان کیلئے کم کاربن والا ملک بننے کا وژن ممکن ہوسکے گا۔ رومینہ خورشید عالم نے آگاہ کیا ہے کہ پہلا گرین ٹیک حب جلد ہی ایک جدید ترین سہولت کے طور پر شروع کیا جائے گا جو پاکستان کے توانائی کے منظر نامے کو تبدیل کرے گا اور اس کے کاربن فوٹ پرنٹس کو کم کرے گا۔ اس کا مقصد ملک میں سبز ٹیکنالوجیز، قابل تجدید توانائی کے حل اور ماحول دوست اختراعات کو فروغ دینا ہے۔ وزیر اعظم کی کوآرڈینیٹر نے مزید کہا کہ گرین ٹیک حب، حکومت کی جانب سے ایک اقدام ہے، جس کا مقصد پاکستان کے نجی شعبے کے اسٹیک ہولڈرز، تعلیمی اداروں اور بین الاقوامی گرین ٹیکنالوجی رہنماؤں کے ساتھ مل کر، ملک کو پائیدار اختراع میں علاقائی رہنما کے طور پر پوزیشن میں لانا ہے۔ اپنے خطاب کے دوران انہوں نے اس بات پر روشنی ڈالی کہ موسمیاتی تبدیلی اور ماحولیاتی رابطہ کی وزارت کی جانب سے دو ہفتے تک اقوام متحدہ کی زیر قیادت عالمی موسمیاتی سربراہی اجلاس کے دوران پاکستان پویلین میں انتہائی جدید اور مؤثر منصوبوں کی نمائش کی جائےگی۔

موسمیاتی سربراہی اجلاس 11 نومبر سے باکو، آذربائیجان میں شروع ہونے والا ہے، جس میں 192 سے زائد ممالک کے 40,000 سے 50,000 وفود کی شرکت متوقع ہیں۔ رومینہ خورشید عالم نے کہا، ''آئندہ اقوام متحدہ کی زیر قیادت عالمی موسمیاتی کانفرنس میں اقدامات کو ظاہر کرنے کا مقصد ممکنہ عالمی اور مقامی سرمایہ کاروں کو منصوبوں کی مالی اعانت کے لیے راغب کرنا ہے تاکہ پاکستان کو ماحولیاتی استحکام اور موسمیاتی لچک کے اہداف حاصل کرنے میں مدد ملے۔'' اس سال کی سالانہ عالمی موسمیاتی کانفرنس میں عالمی رہنما، جو اقوام متحدہ کی جنرل اسمبلی کے بعد سربراہان مملکت، بین الاقوامی رہنماؤں اور سول سوسائٹی کے اراکین کا دوسرا سب سے بڑا اجتماع ہے، پہلے بہتر شفافیت کے فریم ورک، موافقت، تخفیف، ٹیکنالوجی کی منتقلی اور تکنیکی جانکاری کے دیگر اہم مسائل کے علاوہ، موسمیاتی مالیات پر مقداری ہدف کے حصول کو حتمی شکل دینے اور ایک نیا اجتماعی نظام قائم کرنے کی کوشش کریں گے۔ رومینہ خورشید نے کہا کہ''ہم پُر امید ہیں کہ گرین ٹیک حب ایک اسٹریٹجک کنیکٹر کے طور پر کام کرے گا، جو دنیا بھر کے پاکستانی اختراع کاروں کو عالمی سرمایہ کاروں سے مربوط کرتا ہے تاکہ پاکستان کوپ 29 عالمی سربراہی اجلاس کے دوران پاکستان پویلین میں دکھائے جانے والے ان جدید منصوبوں کے لیے موسمیاتی فنانس کا فائدہ اٹھا سکے اور ان ماحولیاتی لچکدار منصوبوں کے لیے بین الاقوامی، مقامی سرمایہ کاری کو راغب کرے۔ اس کے علاوہ، موسمیاتی تبدیلی اور ماحولیاتی رابطہ ان کلائمیٹ ٹیک منصوبوں کو پاکستان کی موافقت اور تخفیف دونوں ترجیحات کے ساتھ ترتیب دینے میں سہولت فراہم کرے گا،'' انہوں نے اس بات پر زور دیا کہ ٹیکنالوجی کا مستقبل سرسبز ہے، اور گرین ٹیک حب ٹیلنٹ، امنگ اور جدت کے لحاظ سے پاکستان کی پیش کردہ بہترین چیزوں کی نمائندگی کرے گا۔'

'ہمیں اس سفر کا حصہ بننے پر فخر ہے اور مستقبل میں اس مرکز سے ابھرنے والی کامیابیوں کو دیکھنے کے منتظر ہیں،'' پی ایم کی کوآرڈینیٹر نے آگاہ کیا۔محترمہ عالم نے کہا، ''یہ مرکز گرین اسٹارٹ اپس کے لیے ایک انکیوبیٹر، جدید ٹیکنالوجیز کے لیے ایک تحقیقی مرکز، اور ماحولیاتی چیلنجوں سے نمٹنے پر توجہ مرکوز کرنے والے اختراع کاروں اور کاروباری افراد کے لیے تعاون کی جگہ کا کام کرے گا۔'' وزیر اعظم کی ماحولیاتی معاون رومینہ خورشید عالم نے روشنی ڈالی ''پاکستان موسمیاتی تبدیلیوں کا مقابلہ کرنے کے لیے پرعزم ہے، اور گرین ٹیک حب اس کوشش میں ایک اہم قدم ہے۔ یہ مرکز نہ صرف جدت کے ذریعے تکنیکی ترقی کو آگے بڑھائے گا بلکہ سبز روزگار کے مواقع پیدا کرنے اور ملک کے ذہین افرادکے لیے ایک پلیٹ فارم مہیا کرے گا تاکہ وہ مزید پائیدار مستقبل میں اپنا حصہ ڈالیں ''۔ سیکرٹری موسمیاتی تبدیلی اور ماحولیات کوآرڈینیشن وزارت عائشہ حمیرا چوہدری نے کہا کہ ملک کو ٹیکنالوجی اور تکنیکی معلومات کی منتقلی کی اشد ضرورت ہے تاکہ ملک میں سبز توانائی کے استعمال کو فروغ دیا جا سکے اور کاربن فوٹ پرنٹس کو کم کیا جا سکے، تاکہ ملک میں ماحولیاتی استحکام اور موسمیاتی لچک کے اہداف کو حاصل کیا جا سکے۔دریں اثنا، انہوں نے اس بات پر زور دیا کہ سبز ٹیک مرکز، جس کا مقصد نئے مواقع کو بروئے کار لانے اور گرین ٹیک کاربن کریڈٹ پالیسی کے فریم ورک میں سرمایہ کاری حاصل کرنے کی تیاری کے لیے پاکستان کی صلاحیتوں کو ظاہر کرنا ہے، تقریباً تیار ہے اور اس سے مختلف گرین انرجی ٹیکنالوجی میں کام کرنے والوں کے لیے مواقع بھی کھلیں گے۔ سیکرٹری عائشہ حمیرا چوہدری نے امید ظاہر کی ''جب کہ ہمیں پاکستان میں پبلک پرائیویٹ پارٹنرشپ کی بنیاد پر سرمایہ کاری اور گرین انرجی اور گرین ٹیکنالوجی سے متعلق مشترکہ منصوبے شروع کرنے کی ضرورت ہے، یہ گرین ٹیک مرکز مسائل کو حل کرنے والے ملک کے طور پر پاکستان کے بیانیے کو بنانے اور اسے فروغ دینے میں اہم مددگار ثابت ہو گا''۔

انہوں نے زور دیتے ہوئے کہا کہ گرین ٹیک حب مقامی صنعتوں، یونیورسٹیوں اور بین الاقوامی ماحولیاتی تنظیموں کے ساتھ مل کر کام کرتا ہے تاکہ ایسی شراکت داری کو فروغ دیا جائے جو ماحول دوست حل کی ترقی اور تعیناتی کو تیز کرے۔ وزارت کی سکریٹری نے کہا کہ اکیڈمی، صنعت اور حکومت کے کلیدی شخصیات کو اکٹھا کرتے ہوئے،گرین ٹیک ہب ٹیکنالوجی کو پاکستان کی کم کاربن معیشت کی طرف منتقلی کو تیز کرنے، اس کی توانائی کی حفاظت کو مضبوط بنانے اور ملک کو سبز رنگ میں ایک قابل عالمی کردار کے طور پر پوزیشن دینے کے لیے پوزیشن میں رکھا جائے گا۔ انہوں نے نشاندہی کی کہ ملک میں الیکٹرک وہیکل سیکٹر، سولر سلوشنز، مصنوعی ذہانت، سمارٹ میٹرنگ، ارلی وارننگ سسٹم وغیرہ میں متعدد کمپنیاں کام کر رہی ہیں، جو کہ گرین انرجی ٹیکنالوجیز کے فروغ اور استعمال میں معاونت کے لیے پاکستان کے عزم کی عکاسی کرتی ہیں۔ دریں اثنا، سکریٹری نے اس بات پر روشنی ڈالی کہ گرین ٹیک ہب ایک عالمی معیار کا اختراعی مرکز ہوگا کیونکہ یہ سہولت تحقیقی لیبز، ٹیسٹنگ سینٹرز، کو ورکنگ اسپیسز اور کانفرنس رومز سے لیس ہوگی تاکہ تعاون اور اختراعات کو آسان بنایا جاسکے۔

کریڈٹ: انڈیپنڈنٹ نیوز پاکستان-آئی این پی