پاکستان نے ایک بار پھر اقوام متحدہ میں بھارت کا گھنائرو نا چہرہ بے نقاب کر تے ہوئے مطالبہ کیا ہے عالمی برادری اقلیتوں پر مظالم میں ملوث مجرموں کو جوابدہ ٹھہرائے۔ ان خیالات کااظہار پاکستانی قونصلر صائمہ سلیم نے اقلیتوں کے مسائل پر اجلاس سے خطاب میں کیا ۔انہوں نے کہا اسلاموفوبیا کے بڑھتے رجحان پر گہری تشویش ہے، بھارت میں انتہا پسند نظریات کے بھیانک نتائج سامنے آ رہے ہیں۔پاکستانی قونصلر کا کہنا تھا کہ بھارتی ریاستی پالیسی اقلیتوں کیخلاف نفرت پر مبنی ہے، بھارت میں عبادت گاہوں پر حملے اور نسل کشی کے اعلانات معمول ہیں۔۔ بھارتی انتہا پسند ریاستی پالیسی بین الاقوامی امن کیلئے خطرہ ہے۔انھوں نے مطالبہ کیا عالمی برادری اقلیتوں پر مظالم میں ملوث مجرموں کو جوابدہ ٹھہرائے۔

کریڈٹ: انڈیپنڈنٹ نیوز پاکستان-آئی این پی