کراچی میں ایک شہری نے بہادری کا مظاہرہ کرتے ہوئے ڈاکوئوں کی جانب سے ڈکیتی کی کوشش ناکام بنادی ۔ یہ واقعہ کراچی کے علاقے عزیز آباد گلشن شمیم میں پیش آیا ہے جہاں ہوٹل پر بیٹھے شہریوں سے ڈکیتی کی کوشش کی گئی، جسے بہادر شہری نے ناکام بنادی۔واردات کی سی سی ٹی وی فوٹیج بھی سامنے آگئی ۔ پولیس حکام کے مطابق موٹر سائیکل پر سوار تین مسلح ملزمان نے لوٹ مار کی کوشش کی۔اس دوران بہادر نوجوان نے ڈاکوئوں پر فائرنگ کردی، شہری کی فائرنگ سے ایک ڈاکو ہلاک جبکہ اس کے دو ساتھی فرار ہوگئے جس کی تلاش جاری ہے۔

کریڈٹ: انڈیپنڈنٹ نیوز پاکستان-آئی این پی