بھارت کے سافٹ پاور کے دعوے حقیقت میں فراڈ ثابت ہونے لگے، جب نیویارک میں ایک بھارتی نجومی کو رنگے ہاتھوں گرفتار کرلیا گیا۔ یہ واقعہ اس حقیقت کی عکاسی کرتا ہے کہ بھارت کا فراڈ کلچر اب صرف اندرونی بحران نہیں رہا بلکہ ایک عالمی وبا کی شکل اختیار کر چکا ہے۔یوگا اور بالی ووڈ کے پردے میں چھپا مودی کا بھارت، درحقیقت جعلسازوں کا بین الاقوامی نیٹ ورک بن چکا ہے، جو وشوا گرو کا نعرہ لگا کر دنیا کو فریب دینے میں مصروف ہے۔امریکی خبر رساں ا دارے کے مطابق بھارتی شہری ہیمنتھ کمار منیپا نے جعلی روحانی عملیات اور جادو ٹونے کے نام پر 68 سالہ امریکی خاتون سے 60,000 ڈالرز لوٹ لیے۔ بھارتی نجومی نے بری نظر کے خاتمے، برکتیں دلانے اور روحانی تحفظ کا جھانسا دے کر خاتون سے پیسے بٹورے۔

دھوکا دہی کا آغاز 20,000 ڈالر سے کیا گیا، جس کے بعد مزید 42,000 ڈالر کا مطالبہ کیا گیا۔نیویارک پولیس کے مطابق 3 جولائی کو منیپا نے فال نکالنے کی خدمات کے عوض خاتون سے 20,000 ڈالر وصول کیے، جس کے بعد خاتون کو مزید روحانی خدمات کیلیے ساتھ براڈوے پر واقع انجنہ جی کے پاس دوبارہ بلایا گیا۔ وہاں منیپا نے خاتون سے مزید 42,000 ڈالر کا تقاضا کیا اور اسے براڈوے پر واقع ایک بینک لے جایا گیا تاکہ وہ رقم نکال سکے۔پولیس نے کارروائی اس وقت کی جب خاتون بینک سے رقم نکالنے گئی اور بینک عملے کو شبہ پیدا ہوا۔ اسی دوران نیویارک پولیس نے جعلی نجومی ہیمنتھ کمار منیپا کو ہِکس وائل میں بینک کے باہر گرفتار کرلیا۔ سی بی ایس نیوز کے مطابق نیویارک ریاستی قانون کے تحت روحانی طاقتوں کے جھوٹے دعوے اور ان پر پیسے لینا غیر قانونی ہے۔یہ واقعہ ایک اور ثبوت ہے کہ دنیا کو یوگا اور شانتی کا درس دینے والا بھارت درحقیقت اندر سے دھوکا، فریب اور لوٹ مار کا گڑھ بن چکا ہے۔ مودی کا بھارت اب سافٹ پاور کے بجائے فراڈ پاور کے طور پر ابھر کر سامنے آ رہا ہے۔

کریڈٹ: انڈیپنڈنٹ نیوز پاکستان-آئی این پی