مقبوضہ کشمیر کے سابق وزیر اعلی فاروق عبداللہ نے پاکستان سے مذاکرات کے لیے بھارتی انتہاپسند جماعت آر ایس ایس اور سابق بھارتی آرمی چیف کے بیانات کی حمایت کردی۔اپنے ایک بیان میں فاروق عبداللہ نے اپنے ایک بیان میں پاکستان سے مذاکرات کے لیے آر ایس ایس اور سابق بھارتی آرمی چیف کے بیانات کو خوش آئند قرار دے دیا۔انہوں نے کہاکہ کسی کو تو خیال آیا کہ جنگ کوئی آپشن نہیں ،مذاکرات سے ہی مسائل کا حل نکالا جاسکتا ہے۔واضح رہے کہ آر ایس ایس کے سیکرٹری جنرل دتاتریہ ہوسابالے نے دوروز قبل کہا تھا بھارت کو ہمیشہ پاکستان سے مذاکرات کے لیے تیار رہنا چاہیے، بات چیت کے دروازے بند نہیں کرنے چاہئیں۔اس کے بعد بھارتی فوج کے سابق سربراہ منوج نروانے بھی کہا تھا دونوں طرف لوگوں کے مسائل ایک جیسے ہیں،ان کا سیاست سے کوئی لینا دینا نہیں۔

کریڈٹ: انڈیپنڈنٹ نیوز پاکستان-آئی این پی