آسٹریلیا کی بگ بیش لیگ (بی بی ایل) کا بھارت سے آغاز ہونے کا امکان ہے۔میڈیا رپورٹس کے مطابق بی بی ایل سیزن کے پہلے میچز کی میزبانی چنائی کرے گا، جس کے لئے تیاری شروع کر دی گئی ہے۔بی بی ایل کا پہلا میچ دسمبر میں بھارت میں کھیلا جائے گا، کرکٹ آسٹریلیا کو تامل ناڈو کرکٹ ایسوسی ایشن اور بھارتی بورڈ کے جانب سے مثبت فیڈ بیک ملا ہے۔ رپورٹ میں کہا گیا ہے کہ کرکٹ آسٹریلیا نے بی بی ایل کے افتتاحی میچ کیلئے چنائی کے وینیو کا انتخاب کیا ہے، کرکٹ آسٹریلیا کے 5 رکنی وفد نے چنائی میں ایک میٹنگ میں حصہ لیا۔آسٹریلوی وفد نے وینیو کی ریکی مکمل کر لی ہے، بھارتی بورڈ کے صدر متھن منہاس بھی وینیو پر موجود تھے۔میڈیا رپورٹ کے مطابق حکومتی سطح پر ابھی معاملات طے ہونا باقی ہیں، جس کے بعد حتمی فیصلہ ہو گا۔

کریڈٹ: انڈیپنڈنٹ نیوز پاکستان-آئی این پی