اداکار فیضان خواجہ نے انکشاف کیا ہے کہ شوبز انڈسٹری میں پیش آنے والی مالی اور ذہنی مشکلات نے انہیں اس حد تک مایوس کر دیا تھا کہ اگر ان کے والد انڈسٹری کا حصہ نہ ہوتے تو وہ خودکشی جیسے انتہائی قدم کا سوچ سکتے تھے۔حال ہی میں فیضان خواجہ نے انسٹاگرام پر ویڈیوز جاری کیں جن میں انہوں نے اداکاروں کو بروقت معاوضے کی ادائیگی نہ ہونے سے متعلق گفتگو کی۔فیضان خواجہ نے کہا کہ وہ سینئر اداکار محمد احمد اور مہرین جبار جیسے لوگوں کی شکایت سن کر انتہائی افسردہ ہیں اور ان کی شکایت سے بالکل اتفاق کرتے ہیں۔انہوں نے کہا کہ اگر ان کے والد راشد خواجہ اس انڈسٹری کا حصہ نہ ہوتے تو وہ شاید اپنے کیریئر کی بلندی پر ہی خودکشی کر چکے ہوتے۔ان کا مزید کہنا تھا کہ وہ اپنی اگلی ویڈیو میں اس پروڈیوسر کا نام بھی بتائیں گے جس نے ان کا معاوضہ ادا نہیں کیا۔

کریڈٹ: انڈیپنڈنٹ نیوز پاکستان-آئی این پی