معروف ڈراما نگار خلیل الرحمن قمر نے انکشاف کیا ہے کہ انہوں نے اپنے مقبول ڈرامے میں منٹو نہیں ہوں میں صائمہ نور کا کردار ابتدائی طور پر صبا حمید کے لیے لکھا تھا۔خلیل الرحمن قمر نے حال ہی میں دیے گئے ایک انٹرویو میں صبا حمید اور صائمہ نور کی تعریفیں کیں اور ڈرامے کے کرداروں کے حوالے سے بھی انکشاف کیا۔انہوں نے صائمہ نور کے بارے کہا کہ وہ جتنی بڑی اداکارہ ہیں، اتنی ہے بڑے دل کی مالک اور سادہ طبعیت ہیں، ان میں ذرا بھی غرور نہیں۔ان کا کہنا تھا کہ وہ صائمہ کی اداکاری کے مداح رہے ہیں۔خلیل الرحمن قمر کے مطابق انہوں نے ابتدائی طور پر سجل علی کی پھوپھو کا کردار صبا حمید کے لیے لکھا تھا، وہ ان کی اداکاری کے بھی مداح ہیں، ان کے ساتھ ان کی پرانی دوستی بھی ہے، وہ منجھی ہوئی اداکارہ ہیں۔

کریڈٹ: انڈیپنڈنٹ نیوز پاکستان-آئی این پی