سینئر اداکارہ اسما عباس نے کہا کہ بھارتی اداکارہ شیفالی جریوالا کا صحت مند حالت میں یوں اچانک دنیا سے رخصت ہو جانا افسوسناک واقعہ ہے۔اسما عباس نے حال ہی میں اپنے یوٹیوب چینل پر ایک ویڈیو شیئر کی، جس میں انہوں نے بھارتی ماڈل و اداکارہ شیفالی جریوالا کے انتقال پر بھی بات کی، جو 42 برس کی عمر میں دل کا دورہ پڑنے سے چل بسیں۔اداکارہ نے افسوس کا اظہار کرتے ہوئے کہا کہ آخر سب کو کم عمر نظر آنے کا شوق کیوں ہے؟ بڑھاپے میں کیا برائی ہے؟ لوگ بوڑھے کیوں نہیں ہونا چاہتے؟ یہ تو ایک قدرتی عمل ہے۔انہوں نے کہا کہ شیفالی جریوالا کا یوں اچانک چلے جانا یقینی طور پر ان کے اہلِ خانہ کے لیے نہایت تکلیف دہ وقت ہوگا۔

کریڈٹ: انڈیپنڈنٹ نیوز پاکستان-آئی این پی