معروف فلم ساز سید نور نے ریشم کی جانب سے صائمہ کو فلموں میں ترجیح دینے کے الزام پر خاموشی توڑتے ہوئے اپنا موقف واضح کیا ہے۔ ایک پوڈ کاسٹ انٹرویو کے دوران سید نور کا کہنا تھا کہ ریشم نے اپنی پہلی پانچ فلمیں ان کے ساتھ ہی کی تھیں جو کہ کامیاب ہوئیں، جن میں سے دوپٹہ جل رہا ہے اور گھونگھٹ میں ریشم کا مرکزی کردار تھا، جب کہ صائمہ کا کردار مختصر تھا۔ انہوں نے کہا ہر اداکارہ ہر فلم کے لیے موزوں نہیں ہوسکتی، اسی طرح ان کی ہر فلم کے لیے بھی ریشم موزوں نہیں تھیں، اسی لیے انہوں نے دیگر اداکارائوں کے ساتھ بھی کام کیا۔سید نور نے کہا کہ جب انہوں نے ریشم کے ساتھ کام کرنا چھوڑا تو ریشم کی کوئی بڑی فلم سامنے نہیں آئی، بلکہ انہوں نے بولڈ کردار کرنا شروع کر د یئے جو کہ ان کے شایانِ شان نہیں تھے۔ان کا کہنا تھا کہ ریشم ایک اچھی فنکارہ تھیں، اگر وہ اپنے بھرم کو برقرار رکھتیں تو ایک بہت بڑی اداکارہ بن سکتی تھیں۔انہوں نے یہ بھی کہا کہ صائمہ آج بھی انڈسٹری میں کام کر رہی ہیں، لیکن ریشم کہاں ہیں؟ وہ کیوں کام نہیں کر رہیں؟قبل ازیں ایک انٹرویو میں ریشم نے دعوی کیا تھا کہ سید نور نے اداکارہ صائمہ سے محبت کی وجہ سے انہیں فلموں میں کاسٹ کرنا چھوڑ دیا تھا اور صائمہ کو مرکزی کردار دینے لگے تھے۔

کریڈٹ: انڈیپنڈنٹ نیوز پاکستان-آئی این پی