خیبر پختونخواہ کے ضلع پاراچنار میں گھر سے لاش ملنے پربینک ملازم کو گرفتار کر لیا گیا۔ پولیس کے مطابق گھر سے لاش ملنے کا واقعہ پاراچنارکے علاقے اسپین خیل بانڈ ہ میں پیش آیا جس کے بعد بینک ملازم کو گرفتار کر لیا گیا۔ پولیس کا کہنا ہے کہ محمد ابراہیم 57 لاکھ روپے بینک میں جمع کرانے گیا تھا، بینک ملازم زکو فارم بنانے کے بہانے ابراہیم کو اپنے گھر لے آیا۔ پولیس کے مطابق ملزم نے رقم اپنے اکاونٹ میں جمع کرانے کے بعد ابراہیم کوگولی مارکر قتل کر دیا، واقعے کی مزید تفتیش بھی جاری ہے۔

کریڈٹ: انڈیپنڈنٹ نیوز پاکستان-آئی این پی