بھارتی خاتون کرکٹر ہارلین دیول بیٹنگ کے دوران احمقانہ غلطی کے باعث شدید تنقید کا نشانہ بن گئیں۔ بھارتی خاتون بیٹر کے رن آئوٹ کی ویڈیو سوشل میڈیا پر وائرل ہوگئی۔جولائی 2021 میں خاتون بھارتی کرکٹر ہارلین دیول نے انگلینڈ کے خلاف ساوتھمٹن میں ایک شاندار کیچ پکڑ کر شائقین کرکٹ کو حیرت میں ڈال دیا تھا ،اور اب جولائی 2025 میں انہوں نے ایسی غلطی کرڈالی جو ہمیشہ یاد رکھی جائے گی۔ اس بار ان کی شہرت میدان میں ان کی کارکردگی کی بدولت نہیں بلکہ ایک سنگین غلطی کے باعث سوشل میڈیا پر ان پر شدید تنقید کی گئی۔یہ غلطی بھارت اور انگلینڈ کے درمیان ہونے والے پہلے ایک روزہ میچ میں ہوئی، جس کے نتیجے میں ہارلین دیول اپنی وکٹ گنوا بیٹھیں۔رپورٹ کے مطابق بھارتی خاتون کرکٹر کی غلطی پر کمنٹیٹرز بھی خاموش نہ رہ سکے۔ انگلینڈ کے سابق کھلاڑی مارک بیوچر نے کمنٹری کے دوران سخت الفاظ میں ہارلین کی کارکردگی پر تنقید کرتے ہوئے کہا کہ یہ انتہائی سست اور غیر ذمہ دار کرکٹ تھی۔

بیوچر نے کہا کہ جب امپائر نے ریویو کے لئے فیصلہ کیا تو انہیں بالکل سادہ سی پوزیشن میں رہنا چاہئے تھا۔ لیکن جب ری پلے میں یہ دکھایا گیا کہ ہارلین نے اپنا بیٹ یا پائوں کریز سے آگے نہیں رکھا تو سب حیران رہ گئے۔یہ لمحہ بھارت کے 259 رنز کے تعاقب کے دوران 22ویں اوور میں پیش آیا۔ ہارلین نے انگلینڈ کی بول شارلی ڈین کی گیند پر ایک تیز سنگل لینے کی کوشش کی، لیکن انگلینڈ کی آل رائونڈر ایلس ڈیوڈسن-رچرڈز نے فورا گیند کو اٹھایا اور اسٹمپ کی جانب پھینکا۔پہلی نظر میں ایسا لگا جیسے ہارلین آسانی سے رن مکمل کرلیں گی، انگلینڈ کے فیلڈرز بھی کنفیوژن کا شکار تھے تاہم امپائر نے شبہ ظاہر کیا اور فیصلہ ٹی وی امپائر کو بھیجا۔ری پلے میں یہ منظر بالکل مختلف تھا۔ جب گیند اسٹمپ سے ٹکرائی ہارلین نے نہ تو اپنے بیٹ کو گرانڈ پر رکھا اور نہ ہی پاں زمین پر تھے۔ انہیں 44 گیندوں پر 27 رنز کے اسکور پر رن آئوٹ قرار دیا گیا۔تاہم ہارلین کا رن آئوٹ بھارت کے لیے زیادہ نقصان دہ ثابت نہیں ہوا۔ بھارت نے میچ میں 4 وکٹوں سے کامیابی حاصل کی اور تین میچوں کی سیریز میں 1-0 کی برتری حاصل کی۔

کریڈٹ: انڈیپنڈنٹ نیوز پاکستان-آئی این پی