پاکستان فیڈریشن بیس بال نے جاپان کے کوچ کی خدمات حاصل کر لیں۔جاپان کے کوچ کازوٹو نونا کا کو ایشین بیس بال چیمپئن شپ کے لیے کوچنگ اسٹاف میں شامل کر لیا گیا ہے، ایشین بیس بال چیمپئن شپ 22سے 28ستمبر تک چین میں ہو گی۔سیکرٹری فیڈریشن فخر علی شاہ نے ایک بیان میں کہا ہے کہ کوچ کازوٹو نوناکا کے ساتھ گزشتہ برس سے بات چیت کا سلسلہ جاری تھا، کوچ کازوٹو نوناکا جاپان میں پاکستان کے دو باصلاحیت کھلاڑیوں فیصل حیات اور مشرف کے ساتھ مئی سے ٹریننگ کے دوران کام کررہے ہیں۔فخر علی شاہ نے کہا کہ دونوں کھلاڑی جاپان سے چین میں ایشین بیس بال چیمپیئن شپ کے لئے ٹیم کو جوائن کریں گے۔انہوں نے کہا کہ کوچ کازوٹو نوناکا کی وجہ سے پاکستان کے کھلاڑیوں کی اسکلز میں اضافہ ہو گا۔

کریڈٹ: انڈیپنڈنٹ نیوز پاکستان-آئی این پی