معروف اداکار فیصل قریشی نے کہا ہے کہ اداکاری ہی میرا سب کچھ ہے' آج تک اداکاری کے علاوہ کچھ اور کرنے کا سوچا بھی نہیں ۔ ایک انٹرویو کے دوران فیصل قریشی نے کہا ،ہر شخص کو بچپن سے کسی نہ کسی کا م کا شوق ہوتا ہے۔ مجھے اداکار بننے کا شوق تھا ،5 سال کی عمر میں اداکاری کا آغاز کیا جب سے تا حال اداکاری کی دنیا میں ہی اپنی صلاحیتوں کا لوہا منوا رہا ہوں۔ اس کے علاوہ کوئی اور کام کرنے کا سوچا ہی نہیں۔ انہوں نے کہا بچپن کے خواب کو پورا کرنے کے لیے دن رات محنت کی اور اسی کو اپنا پروفیشن بنا یا ۔ ایک سوال کے جواب میں انہوں نے کہا انسان وقت کے ساتھ ساتھ بہت کچھ سیکھتا رہتا ہے جب ہم زندگی میں یہ سوچ کر چلتے ہیں کہ مجھے آگے بڑھنا ہے تو یہ چیز آپ کو پروگریسو رکھتی ہے۔

کریڈٹ: انڈیپنڈنٹ نیوز پاکستان-آئی این پی