معروف گلوکار عمیر جیسوال کی دوسری اہلیہ نبیہہ عمیر جیسوال نے اداکارہ ثنا جاوید سے موازنے پر خاموشی توڑ دی۔حال ہی میں عمیر جیسوال نے اپنی پہلی شادی کی سالگرہ کے موقع پر اہلیہ کی تصویر سوشل میڈیا پر پوسٹ کی اور شادی کی سالگرہ کی مبارک باد دی۔بعدازاں گلوکار کی پوسٹ پر صارفین نے تبصرے کرتے ہوئے نبیہہ کا موازنہ ان کی سابقہ اہلیہ ثنا جاوید سے شروع کردیا، جس پر نبیہہ نے خفگی کا اظہار کیا ہے۔انہوں نے عمیر کو پوسٹ پر تبصرہ کرتے ہوئے لکھا کہ میں پہلی اور آخری بار یہ کہنا چاہتی ہوں کہ جزاک اللہ الخیرا تمام دعاں کے لیے، ہم واقعی اس کی قدر کرتے ہیں۔ دوسری بات یہ کہ میرے شوہر کی صرف ایک بیوی ہے اور وہ میں ہوں۔ براہ مہربانی اپنے آپ پر قابو رکھیں، نظم و ضبط کا مظاہرہ کریں اور کسی سے میرا موازنہ نہ کریں۔

کریڈٹ: انڈیپنڈنٹ نیوز پاکستان-آئی این پی